23 oktyabr tarixində Bakıda yeni yaradılmış Aquaponika üzrə Tədris Mərkəzinin açılışı keçirilib. Akvaponika sisteminin Azərbaycanda tətbiqini təşviq etmək məqsədini daşıyan layihə IDEA İctimai Birliyi, BMTİP-GEF Kür II Layihəsi və Ekologiya və Təbii Sərvətlər Nazirliyi tərəfindən birgə həyata keçirilib. Aquaponika sistemi balıq və bitkilərin eyni zamanda becərilməsinə, ekoloji cəhətdən təmiz, orqanik və keyfiyyətli məhsulun əldə edilməsinə imkan verən qabaqcıl texnologiyalara əsaslanır.