Erkən yaşlardan ətraf mühitə qarşı məsuliyyət hissini formalaşdırmaq məqsədi ilə IDEA və Sevimli Bala klubu tərəfindən keçirilən “Uşaqlar üçün ekoloji laboratoriya” proqramı çərçivəsində uşaqların maarifləndirilməsi uğurla davam etdirilir. Fevral ayının eko laboratoriya təlimi “Ümid işığında” ictimai birliyinin xüsusi qayğıya ehtiyacı və əlilliyi olan uşaqları üçün keçirilib. Ətraf mühitin çirklənməsi mövzusuna həsr edilmiş təlim zamanı nəzəri və praktiki maarifləndirmə işləri görülüb, həmçinin infiltrasiya prosesi və çirklənmə nəticəsində qrunt sularının necə çirkləndiyini və içmək üçün təhlükəli olduğunu öyrətmək məqsədilə su filtrinin hazırlanması kimi müxtəlif laboratoriya təcrübələri nümayiş etdirilib.