Fəaliyyətlərimiz üzrə icmallar

Mayın 11-də IDEA İctimai Birliyinin təşəbbüsü ilə “Nizami” Kino Mərkəzində “Son hədd” (The End of the line) sənədli filminin premyerası keçirilib.

22 aprel 2016-cı il tarixində IDEA İctimai Birliyi tərəfindən “Yer Günü”nə həsr olunmuş təlim keçirilmişdir. <br />Zirə Mədəniyyət Mərkəzində yerləşən IDEA-nın Resurs Mərkəzində keçirilən təlimdə ətraf mühit, ekologiya və davamlı inkişaf sahələri üzrə təhsil alan və ya bu sahələrdə çalışan 40 nəfərə yaxın gənc iştirak etmişdir.

“Ekoloji idarəçilikdə gənclərin rolu: bu gün və sabah” devizi ilə Qəbələdə keçirilən beynəlxalq düşərgədə irəli sürülən prinsiplər bütün dünyada qəbul edilməlidir.

IDEA (Ətraf mühitin mühafizəsi naminə beynəlxalq dialoq) kampaniyası "IDEA mühazirələri" layihəsinin davamı olaraq, bazar ertəsi Ümumdünya nüvə silahı ilə mübarizə günündə mühazirə həyata keçirib. Mühazirə IDEA kampaniyasının Azərbaycan Prezidenti yanında Dövlət İdarəçilik Akademiyasında yerləşən Resurs Mərkəzində baş tutub.

İyunun 16-da Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Şıx ərazisində yaradılmış nümunəvi ictimai çimərlik vətəndaşların istifadəsinə verilib. Təxminən 5 ha sahəsi olan nəhəng ödənişsiz çimərliyin açılışı Bakıda çimərlik mövsümünün açılışına təsadüf edilib.

Heydər Əliyev Fondunun vitse-prezidenti Leyla Əliyeva tərəfindən başladılmış IDEA (Ətraf mühitin mühafizəsi naminə beynəlxalq dialoq) kampaniyası 1 iyun - Uşaqların beynəlxalq müdafiəsi günü və 5 İyun - Beynəlxalq ətraf mühit günü ilə əlaqədar olaraq uşaqlar və gənclər arasında "Yer kürəsi uşaqların gözü ilə" adlı beynəlxalq foto müsabiqə elan edir.<br />Beynəlxalq fotomüsabiqə və müsabiqənin sonunda keçirilməsi planlaşdırılan festival ətraf mühitin bütün nəsillər tərəfindən qorunmasının vacibliyini nümayiş etdirərək dünyada mövcud olan ətraf mühit məsələlərinə ümumi diqqətin cəlb edilməsini nəzərdə tutur.<br />"Yer kürəsi uşaqların gözü ilə" beynəlxalq fotomüsabiqə IDEA kampaniyasının təşəbbüsü əsasında dünya şöhrətli fotoqraf Reza Deqati ilə sıx əməkdaşlıq edərək, WPO (Dünya Fotoqrafçılıq Təşkilatı) və Böyük Britaniyanın "National Geographic" uşaq jurnalının dəstəyi ilə həyata keçirilir.<br />17 yaşdan kiçik olan hər bir uşaq və yeniyetmə "Mən təbiəti sevirəm və onu çirkləndirməkdən qorxuram" mövzusunu təsvir edən işini təqdim edə bilər.<br />Müsabiqəyə təqdim olunmuş şəkillər beynəlxalq münsiflər heyəti və məsləhət şurasının üzvləri tərəfindən qiymətləndiriləcək. Qaliblər qiymətli hədiyyələrlə təltif ediləcək və Bakıda 2012-ci ilin oktyabr ayında baş tutacaq festival və sərgidə iştirak etmək hüququ qazanacaqlar.<br />Layihə ilə əlaqədar əlavə məlumatı kampaniyanın rəsmi internet səhifəsindən əldə etmək mümkündür.

IDEA İctimai Birliyi gəncləri ətraf mühit sahəsində ixtisaslaşmağa və bu sahədə çalışmağa həvəsləndirmək məqsədilə, aprel ayından etibarən “Uğura gedən yol” adlı layihəyə başlamışdır.

IDEA İctimai Birliyi növbəti dəfə Dünya Vəhşi Təbiət Fondunun (WWF) "Yer saatı" beynəlxalq kampaniyasının (www.earthhour.org) Azərbaycan üzrə rəsmi koordinator statusunu əldə etmişdir. Koordinator qismində IDEA 10 illiyini qeyd edən "Yer saatı" kampaniyası çərçivəsində ölkəmizdə kütləvi aksiya və tədbirlərin keçirilməsini planlaşdırır.

Birləşmiş Millətlər Təşkilatının (BMT), Ümumi Qadınlar Birliyinin və İsveçrə Qadınlar və Gücləndirmə Assosiasiyasının təşkilatçılığı ilə keçirilən iclasda Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva, BMT-nin Cenevrə bölməsinin baş direktoru Tatyana Valovaya, Birləşmiş Ərəb Əmirliklərinin iqlim dəyişikliyi və ətraf mühit naziri Mariam Almheiri iştirak ediblər.

27 aprel 2012-ci il tarixində IDEA (Ətraf mühitin mühafizəsi naminə beynəlxalq dialoq) kampaniyası tərəfindən “Hilton”Bakı mehmanxanasında “Mesajını Rio+20-yə göndər” adlı inşa müsabiqəsinin qaliblərinin mükafatlandırma mərasimi keçirilmişdir.

Beynəlxalq Dəniz Günü ilə əlaqədar ölkəmizdə qeyd edilən “Xəzər həftəsi” çərçivəsində IDEA İctimai Birliyi və Bakı Dövlət Universitetinin (BDU) Ekologiya və torpaqşünaslıq fakultəsinin birgə təşkilatçılığı, Ekologiya və Təbii Sərvətlər Nazirliyi (ETSN), “Təmiz Şəhər” ASC-nin dəstəyi ilə Sumqayıt şəhərinin Corat qəsəbəsi daxilində yerləşən çimərlikdə sahilyanı təmizlik aksiyası keçirilib. Aksiyada BDU-nun 300-dən çox tələbəsi ilə yanaşı, ETSN nümayəndələri və könüllüləri də aktiv iştirak ediblər.

Oktyabrın 9-da Astara rayonu ərazisində ovlanan bəbirin dərisini satmağa çalışan rayon sakinləri 22.10.1995-ci il təvəllüdlü Böyükağazadə Natiq Nəbi oğlu və 01.01.1995-ci il təvəllüdlü Fərəcov Səməd Yaqub oğlu Dövlət Sərhəd Xidmətinin əməkdaşları tərəfindən saxlanılıb.