Tovuz rayonu 5 noyabr 2014-cü il tarixindən start verilən I Ümumrespublika Yaşıllaşdırma Marafonuna qoşulmuşdur.
Ərazisi: 1942,0 kv.km
Əhalisi: 162,8 min nəfər
Mərkəzi: Tovuz şəhəri
8 noyabr tarixində Tovuz Rayon İcra Hakimiyyətinin təşkilatçılığı ilə I “Ümumrespublika yaşıllaşdırma” marafonu çərçivəsində Tovuz çayının sağ sahilində, Tovuz-Xatınlı-Qaraxanlı yolunun ətrafında, Qazıqulu kəndində, Göytəpə qədim yaşayış məskəninin ərazisində və Bakı-Qazax magistral avtomobil yolunun rayondan keçən hissəsinin kənarlarında 5000 ağac əkilmişdir.
27 noyabr tarixində IDEA İctimai Birliyi tərəfindən başladılan I “Ümumrespublika yaşıllaşdırma” marafonu çərçivəsində Tovuz Rayon İcra Hakimiyyətinin təşkilatçılığı ilə rayonun təhsil və səhiyyə müəssisələrinin əmək kollektivləri tərəfindən rayon ərazisində 2000 ədəd ağac əkilmişdir.
I “Ümumrespublika Yaşıllaşdırma” marafonu çərçivəsində Tovuz rayonu ərazisində 12 mart 2015-ci il tarixindən 09 aprel 2015-ci il tarixinə qədər Çinar, zeytun, Eldar şamı, sərv, göyrüş, akasiya, palıd, ağcaqayın və digər ağac növlərindən olmaqla ümumilikdə 43314 ədəd ağac əkilmişdir.
