Azər Qarayev “Uğura gedən yol” layihəsində

2015-ci il 20 may tarixində IDEA İctimai Birliyinin Resurs Mərkəzində aprel ayından start götürmüş “Uğura gedən yol” layihəsi çərçivəsində növbəti görüş keçirilmişdir.

Layihə çərçivəsində təşkil edilən sayca ikinci görüşdə “Heyvanların Müdafiə Cəmiyyətinin” sədri Azər Qarayev gənclərə öz peşəkar təcrübəsi ilə bağlı təqdimat etmişdir.

A.Qarayev fəaliyyət göstərdiyi müddətdə əldə etdiyi uğurlardan bəhs etmiş, gənclərə qazanmış olduğu nailiyyətləri haqqında geniş məlumat və özünüinkişafla bağlı dəyərli məsləhətlər vermişdir. Bununla yanaşı, ekspert gənclərə heyvanların mühafizəsi, onlara qayğı və həssas davranışla  bağlı çağırışlar etmiş, onlarla bu mövzuda ətraflı fikir mübadiləsi aparmışdır. Görüşün sonunda qonaq ekspert gəncləri maraqlandıran sualları cavablandırmışdır.

 Layihə çərçivəsində keçirilən bu görüş gənclərə uğur əldə etməyin yollarını aşılamaqla yanaşı,  onlarda heyvanlara qayğı mədəniyyətinin formalaşmasına töhfə vermək baxımından mühüm rol oynamışdır.