Yaşıl cəmiyyətimizin bir parçası olun!

IDEA-ya qoşulmaqla Siz bizim yaşıl cəmiyyətimizin bir parçası olacaq,
təşkilatımızın həyata keçirdiyi layihələrə cəlb olunacaqsınız.

Layihələrimiz

Böyük IDEA nədir?

Bizim missiyamız gənclərin regional və beynəlxalq səviyyədə real və virtual cəmiyyətlərinin yaradılması, ətraf mühitin qorunması ilə bağlı məlumatlar verən və praktik çağırışlar edən açıq dialoqlar vasitəsilə həmin cəmiyyətin inkişaf etdirilməsi, yerlərdə ekoloji maarifləndirmə işlərini həyata keçirmək üçün bu cəmiyyətin hər bir üzvünün lider kimi yetişməsini təmin etməkdir.

3000+

Layihələrə qoşulan könüllülər
22

Beynəlxalq partnyor
30

Yerli partnyor

Haqqımızda

Yeniliklər və tədbirlər

Hamısına bax

“Alternativ və bərpa olunan enerji mənbələrindən istifadəyə keçid: dünya təcrübəsi və Azərbaycanda görülmüş işlər və perspektivlər” mövzusunda seminar təşkil edilib

2014-cü ilin 4-5 dekabr tarixlərində IDEA İctimai Birliyinin təşkilatçılığı ilə IDEA-nın Azərbaycan Respublikası Prezidenti yanında Dövlət İdarəçilik Akademiyasında yerləşən Resurs Mərkəzində “Alternativ və bərpa olunan enerji mənbələrindən istifadəyə keçid: dünya təcrübəsi və Azərbaycanda görülmüş işlər və perspektivlər” mövzusunda seminar keçirilmişdir.

08.12.2024

Təbiətin mühafizəsi uğrunda yeni bir addım!

IDEA İctimai Birliyinin nümayəndələri Cənubi Afrika Vəhşi Təbiət Kollecində Ranger Kurslarında iştirak edirlər.

19.04.2024

“Yaşıl dünya naminə həmrəylik ili” çərçivəsində ağacəkmə aksiyası həyata keçirilib.

Aprelin 16-da Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyevanın iştirakı ilə “Yaşıl dünya naminə həmrəylik ili” çərçivəsində paytaxt Bakının Nizami rayonunun Mikayıl Əliyev və Kamil Balakişiyev küçələrinin kəsişməsində yerləşən boş ərazidə ağacəkmə aksiyası həyata keçirilib.

16.04.2024

Hamısına bax

Layihələr və proqramlar

Bütün layihələr

IDEA Eko Məktəblər

Məktəblərdə ekoloji maariflənmənin və davamlılığın təşviqinə yönəlmiş IDEA ECO MƏKTƏBLƏR proqramını sizlərə təqdim etməkdən məmnunuq. Məqsədimiz məktəbləri ekoloji cəhətdən təmiz təcrübə mərkəzlərinə çevirmək və məsuliyyətli gənc nəsillərin yetişməsinə tövhə verməkdir.

02.03.2024

"Bir damcı" layihəsi

Gələcəkdə suyumuz axsın deyə bu gün bir damcı qoruyaq!

17.04.2023

“Ağacların qeydiyyatı və nömrələnməsi ” layihəsi

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Bakıda ağacların qeydiyyatı və nömrələnməsi üzrə layihəyə start verilib.

30.12.2022

"Ev heyvanları ilə məsuliyyətli davranış" maariflənirici təlimlər

IDEA İctimai Birliyi yerli məktəblərdə şagirdlər üçün "Ev heyvanları ilə məsuliyyətli davranış" mövzusunda maarifləndirici təlimlərə başlayıb.

22.11.2022

Bütün layihələr

Beynəlxalq ekoloji təqvim

10 May 2024

Ümumdünya Köçəri Quşlar Günüdür

Beynəlxalq Köçəri Quşlar Günü 2006-ci ildən etibarən ildə iki dəfə - may və oktyabr aylarının ikinci şənbə günü qeyd edilir. Bu günün qeyd edilməsində məqsəd dünya ölkələrinin diqqətini qlobal ekoloji problemlərdən biri olan köçəri quşların köçü zamanı onların sərbəstliyini və təhlükəsizliyini təmin etməkdir.

Daha çox oxu Daha az oxu

22 Aprel 2024

Yer günü

Əsası C.Sterlinq Mortan tərəfindən qoyulan Yer gününün bayram edilməsi XIX əsrin 40-cı illərindən başlayır. 1872-ci ildə C. Morton Nebraska ştatında il ərzində bir günün ətraf ərazinin yaşıllaşmasına həsr edilməsi təklifi ilə çıxış edir və birinci ağac əkmə günü milyona yaxın ağac əkilir. 1882-ci il 22 aprel tarixindən başlayaraq “Ağac günü” Nebraska hökuməti tərəfindən ştatın rəsmi bayramı kimi qeyd olunur. 1970-ci ildən başlayaraq ətraf mühitin əhəmiyyətinin təbliğatı, onun ilkin formada qorunub saxlanılması, planetin təbii ehtiyatlarının tükənməsi və s. sahələri əhatə etməsi ilə əlaqədar olaraq bayram “Yer günü” adlandırılmışdır. Dünyanın bir çox ölkəsində Yer günü qeyd olunur. Əgər 1970-ci ildə birinci Yer gününün qeyd olunmasında 20 milyon insan iştirak etmişsə, indi bu rəqəm on dəfə çoxdur. Bu gün yalnız maarifləndirmə tədbirləri (sərgilər, mühazirələr, söhbətlər) təşkil olunmur, həmçinin mühafizə olunan təbiət ərazilərinə maddi kömək üçün vəsaitlər yığılır.

Daha çox oxu Daha az oxu

31 Mart 2024

Beynəlxalq quşlar günü

1906-cı il aprelin 1-də quşların mühafizəsinə dair Beynəlxalq Konvensiya imzalanıb və bu gün dünyada Beynəlxalq Quşlar Günü kimi qeyd edilir. Bu günün keçirilməsində əsas məqsəd vəhşi quşların sayını və növ müxtəlifliyini qorumaqdır. Beynəlxalq Quşlar Günü hər il UNESCO tərəfindən “İnsan və Biosfer” adlı ilə həyata keçirilən xüsusi proqram çərçivəsində qeyd edilir. Bu gün məktəblilər və quş həvəskarları bağlarda və parklarda yem təknələri və yuvalar asır, quş yuvalarını yeniləmək və təzədən tikməklə quşların köçüb gəlməsinə hazırlaşırlar.

Daha çox oxu Daha az oxu

23 Mart 2024

Ümumdünya meteoroloq günü

1961 ildə Ümumdünya meteoroloji təşkilat 23 mart tarixini Ümumdünya meteoroloji gün kimi qeyd etməyi qərara almışdır. Bu günü qeyd etməkdə məqsəd – əhalinin sağlamlığını təminində meteorologiya və meteoroloji xidmətin mühümlüyünə diqqəti cəlb etməkdir. Hər il bu gündə insanlara 38 meteoroloji xidmətin mənasını başa salan təzə şüar seçilir.

Daha çox oxu Daha az oxu

22 Mart 2024

Ümumdünya su günü

BMT-nin Baş Assambleyası 22 dekabr 1992-ci il, 47/193 nömrəli qətnaməyə əsasən 22 mart tarixini “Ümumdünya su resursları günü” elan etmişdir. Bu günün keçirilməsinin məqsədi su resurslarının mənimsənilməsinin hansı səviyyədə olmasının, iqtisadi və sosial rifahın səmərəliliyinin yüksəldilməsinə təsirinin müəyyən edilməsi və bu barədə maarifləndirilmənin təmin edilməsidir.

Daha çox oxu Daha az oxu

20 Mart 2024

Beynəlxalq Meşələr Günü

BMT-nin Baş Assambleyası 2012-ci ildə martın 21-ni “Beynəlxalq Meşələr (meşə və ağaclar) günü” elan edib. Bu gün bütün meşə növlərinin ekoloji vacibliyi vurğulanır, onların qorunmasına və artırılmasına diqqət yönəldilir. Hər il bu gün ölkələrdə ağacəkmə aksiyaları, regional və beynəlxalq fəaliyyətlər, təşviqat və təbliğat işləri ilə yadda qalır.

Daha çox oxu Daha az oxu

2 Mart 2024

Ümumdünya Vəhşi Təbiət Günü

Ümumdünya Vəhşi Təbiət Günü 2013-cü il dekabrın 20-də BMT Baş Assambleyasının qərarı ilə ictimaiyyətin vəhşi təbiətə dair məlumatlandırma səviyyəsini yüksəltmək məqsədilə təsis edilib.

Daha çox oxu Daha az oxu

18 Fevral 2024

Ümumdünya Su Məməlilərinin Mühafizəsi Günü

19 fevral tarixində Ümumdünya Su Məməlilərinin Mühafizəsi Günü qeyd edilir (Balinalar Günü). Bu gün təkcə balinalar deyil, bütün dəniz məməliləri və dəniz və okeanlarda yaşayan bütün canlı varlıqlar mühafizə olunur. Bu gün 1986-cı ildən keçirilməyə başlamışdır, 200 il ərzində balinaların məhv edilməsindən sonra Beynəlxalq balinalar komissiyası onların ovlanmasına qadağa qoymuşdur. Bu qadağa hələ də qüvvədədir və iri balinaların ovlanması və balina ətinin ticarəti qanunla qadağan edilmişdir. Hər il müxtəlif təbiəti mühafizə qrupları və təşkilatları balinaların və digər su məməlilərinin mühafizəsinə diqqəti cəlb etmək məqsədilə çoxsaylı aksiyalar keçirirlər.

Daha çox oxu Daha az oxu

1 Fevral 2024

Ümumdünya su - bataqlıq günü

2 fevral 1971-ci ildə İranın Ramsar şəhərində “Sudaüzən quşlar üçün beynəlxalq əhəmiyyət daşıyan su-bataqlıq hövzələrinə dair Konvensiya” imzalanmışdır.

Daha çox oxu Daha az oxu

Əvvəlki

Növbəti