Bakıda Yaşıl Marafon-un payız mövsümü üzrə ilk ağacəkmə aksiyası keçirilib.

Bu gün, IDEA İctimai Birliyinin təsisçisi və rəhbəri Leyla Əliyevanın, könüllülər və İsveçrənin “Bioparc Genève” vəhşi təbiəti mühafizəsi təşkilatının nümayəndələrinin iştirakı ilə Bakıda #YaşılMarafon-un payız mövsümü üzrə ilk ağacəkmə aksiyası keçirilib. Ağacəkmə aksiyası zamanı 300 ədəd zeytun və şam ağacları əkilib.

Ötən il yaşıl marafon çərçivəsində ölkə üzrə 1 milyon ağac əkilməsinə nail olunub. IDEA İctimai Birliyi, Ekologiya və Təbii Sərvətlər Nazirliyinin birgə təşkilatçılığı ilə 2022-ci ildə daha çox sayda ağac əkilməsi ilə bərabər, yaşıl dəhlizlərin yaradılmasına, mürəkkəb relyefli ərazilərdə ağaclıqların salınması başlanılıb.