“Bizim Həyət” layihəsi çərçivəsində növbəti həyət açılışı

Daha yaşıl mühit həm insanlar, həm də biomüxtəliflik üçün faydalıdır!

IDEA-nın “Bizim Həyat” layihəsi çərçivəsində Xətai rayonu, General Şıxlinski küçəsi 57 və 59 ünvanlarında yeni abadlaşdırılmış həyət istifadəyə verilib.

Həyətdə 500-dən çox ağac, minlərlə kol və bitki, o cümlədən havanın təmizlənməsində effektiv olan sarmaşıqlar əkilib.

Uşaq meydançaları, idman qurğuları, söhbətgah və oturacaqlar və s. yeniliklər artıq ərazidə yaşayan 1200-dən çox insanın ixtiyarındadır və onların açıq havada olması üçün əlavə stimuldur.