IDEA-nın təşəbbüsü ilə “Yer Kürəsi Günü”- də ağac əkilib

Azərbaycan da daxil olmaqla, 150 ölkənin qeyd etdiyi bu gün dünyanın ən böyük ətraf mühit kampaniyalarından biridir.
"Yer Kürəsi Günü"-nü  insanlar ağacların əkilməsi, yaşıllıqlara qulluq edilməsi, təmizlik işlərinin aparılması, həmçinin ətraf mühitin mühafizəsinə həsr olunmuş fəaliyyətlər, bu mövzuda çıxışlar kimi müxtəlif ekoloji layihələrdə iştirak etməklə qeyd edirlər.
IDEA ilk aksiyanı Bakı Şəhər Gənclər və İdman Baş idarəsi ilə birgə Yeni Suraxanı yaşayış məntəqəsində həyata keçirmişdir. Aksiyada 50 gəncin iştirakı ilə 200 ağac əkilmişdir.
IDEA ikinci tədbiri Bakı Dövlət Universitetinin Tələbə Gənclər Təşkilatı və "Təbiət Elmlərinə Dəstək və Ekoloji Maarifləndirmə" İctimai Birliyi ilə əməkdaşlıq çərçivəsində həyata keçirmişdir.
Bakı Dövlət Universitetinin 400 tələbəsinin iştirakı ilə müxtəlif müzakirələrdən ibarət olan bu layihə"Planetimizi tanıyaq" adlanır.