IDEA “Yaşıl Azərbaycan naminə” layihəsi çərçivəsində gənclərə könüllü kimi iştirak etmək təklif edir

IDEA “Yaşıl Azərbaycan naminə” layihəsi çərçivəsində hazırlıq və fəaliyyət dövrünün təşkilində könüllü kimi iştirak etmək imkanı təklif edir.

Layihə ərzində ölkəmizin ən böyük şəhərlərinin orta məktəblərində şagirdlər üçün maarifləndirici seminarlar təşkil olunacaq.
Orta məktəblərdə təşkil olunacaq maarifləndirici seminarların sentyabr-oktyabr ayları ərzində 20 nəfər könüllünün iştirakı ilə həyata keçirilməsi nəzərdə tutulub.
Qeyd edək ki, könüllülər 4 komanda şəklində hər biri 5 gündən ibarət olmaqla bir neçə rayonda seminar təşkil etdikdən sonra Bakıya geri qayıdacaqlar.
Keçiriləcək seminarların mövzusu aşağıdakı kimi olacaq.
• Təmiz dünya uğrunda şagirdlərin rolu;
• Su həyatdır;
• Gözəl gələcək, yaşıllıqlarla gələcək.
Ekologiya ixtisası və ya bu ixtisasa yaxın sahə üzrə təhsil alan, yüksək nitq qabiliyyətinə malik olan, təlimlərə hazırlıq və onların təşkili məsələlərində özünə güvənənlərin öz  CV-lərini “Yaşıl Azərbaycan naminə” başlığı altında  [email protected] e-mail ünvanına göndərmələri xahiş olunur.