"Uşaqlar üçün laboratoriya” layihəsi çərçivəsində yanvar ayı təlimi keçirilmişdir

Yeni ilə uşaqların sevimli layihələrindən biri olan, IDEA və Sevimli Bala tərəfindən təşkil olunan Ekoloji Laboratoriyanın yenidən başlanması ilə qədəm qoyduq.

Yanvarın 22-də “Könüldə Nur” Kimsəsizlərin və Xüsusi Qayğıya Ehtiyacı Olanların Sosial İnkişafına Dəstək ictimai birliyinin aztəminatlı ailələrindən olan uşaqlar üçün eko laboratoriya təlimi keçirilib.

Əyləncəli və maarifləndirici sessiya Şimal və Cənub qütblərinin təbiətinə, bitki və heyvan növlərinə həsr olunub. Uşaqlar həmçinin qütb ekspedisiyaları, eləcə qalıq formasiyaları və onların keçmişi öyrənə bilməyimizdə mühüm rolu haqqında öyrəndilər.