IDEA İctimai Birliyinin təsisçisi və rəhbəri Leyla Əliyevanın dəvəti ilə Oksford Universitetinin Zoologiya Departamenti nəzdində fəaliyyət göstərən Vəhşi Təbiətin Mühafizəsi təşkilatının (WildCru) direktoru, biomüxtəlifliyin mühafizəsi üzrə dünya şöhrətli mütəxəssis professor Devid Makdonald 19-22 oktyabr tarixlərində ölkəmizə səfər etmişdir.
20.10.2015
IDEA-nın ekoloji tədris proqramının tərkib hissəsi olaraq, 16 oktyabr tarixində IDEA İctimai Birliyinin Resurs Mərkəzində Azərbaycan Respublikası Fövqəladə Hallar Nazirliyinin Akademiyası, Bakı Ali Neft Məktəbi, Azərbaycan Respublikası Dövlət Gömrük Komitəsinin Akademiyası, Azərbaycan Milli Aviasiya Akademiyası, Azərbaycan Texniki Universiteti, Azərbaycan Dövlət Neft və Sənaye Universiteti və Azərbaycan Dövlət Dəniz Akademiyasının tələbələri üçün “Ekoloji Menecment” mövzusunda növbəti elmi seminar təşkil edilmişdir. Seminar zamanı bioloji müxtəlifliyin mühafizəsi üzrə tanınmış mütəxəssis Elman Yusifov iştirakçılara ətraf mühitin müxtəlif sahələri barədə maraqlı məlumatlar çatdırmışdır.
19.10.2015
17 oktyabr tarixində IDEA İctimai Birliyi və “Sevimli bala” təşkilatının birgə həyata keçirdiyi “Uşaqlar üçün ekoloji laboratoriya” layihəsi çərçivəsində IDEA-nın Azərbaycan Respublikası Prezidenti yanında Dövlət İdarəçilik Akademiyasında yerləşən Resurs Mərkəzində növbəti, sayca onuncu təlim keçirilmişdir. Laboratoriyanın oktyabr təlimi ekoloji təmiz və sağlam qidaya həsr olunmuşdur.
19.10.2015
IDEA-nın ekoloji tədris proqramının tərkib hissəsi olaraq, 9 oktyabr tarixində IDEA İctimai Birliyinin Resurs Mərkəzində Bakı Slavyan Universiteti, Azərbaycan Dövlət İqtisad Universiteti, Azərbaycan Dillər Universiteti və M.V.Lomonosov adına Moskva Dövlət Universitetinin Bakı filialının tələbələri üçün “Ekoloji Menecment” mövzusunda növbəti elmi seminar təşkil edilmişdir.
12.10.2015
Oktyabrın 9-da Astara rayonu ərazisində ovlanan bəbirin dərisini satmağa çalışan rayon sakinləri 22.10.1995-ci il təvəllüdlü Böyükağazadə Natiq Nəbi oğlu və 01.01.1995-ci il təvəllüdlü Fərəcov Səməd Yaqub oğlu Dövlət Sərhəd Xidmətinin əməkdaşları tərəfindən saxlanılıb.
11.10.2015
IDEA İctimai Birliyi Ümumdünya Quşları Müşahidə Günü ilə əlaqədar Azərbaycan Respublikası Ekologiya və Təbii Sərvətlər Nazirliyi ilə birgə quşların və məməli heyvanların payız sayğısı çərçivəsində gənclər üçün təlim keçirmişdir. Qeyd olunmalıdır ki, Ekologiya və Təbii Sərvətlər Nazirliyi hər mövsüm miqrasiya edən quşların sayğısını aparmaqla, onların növlərini və köçünü tədqiq edir. Sayğıda iştirak edən IDEA İctimai Birliyinin könüllüləri quşların miqrasiyasını canlı müşahidə etməklə yanaşı, sayğı prosesinə də öz töhfələrini vermişlər.
07.10.2015
AZ