“Ağacların kəsilməsinə yox!” proqramına Heydər Əliyev Fondu və IDEA İB-nin birgə təşəbbüsü ilə start verilmişdir. Proqram çərçivəsində “Təbiətə təcili yardım” qaynar xətti (bütün mobil operatorlar və şəhər nömrələrindən - 1113) və xüsusi mobil qrup yaradılmışdır.

Vətəndaşlar qanunsuz ağac kəsilməsi, o cümlədən vəhşi heyvanların qanunsuz saxlanması və qaçaqmalçılığı halları ilə rastlaşdığı zaman öz şikayətlərini 1113 qaynar xətti vasitəsi ilə bildirə bilərlər. Mobil qrup daxil olan şikayətləri yerində araşdırır, problemlə bağlı əlavə sübutlar, foto və video materiallar toplayaraq, müvafiq dövlət qurumları ilə birlikdə aidiyyatı tədbirlər görür.