Oktyabr ayında zubrların ilkin qrupunun iqlimləşmə zonasından vəhşi təbiətə buraxılmasının ardınca daha 9 heyvan Azərbaycana gətirilərək uyğunlaşmaq üçün Şahdağ Milli Parkında yerləşdirildi. Layihənin tərəfdaşları olan IDEA İctimai Birliyi, Ekologiya və Təbii Sərvətlər Nazirliyi və WWF-Azərbaycan Böyük Qafqaz dağlarının faunasının bərpası istiqamətində səylərini davam etdirir və bu ecazkar heyvan növünün təbiətimizə qaytarılmasını dəstəkləyən və izləyən hər kəsə dərin təşəkkürünü bildirir.