11 İyul 2013

MDB gənclərinin ekoloji düşərgəsi keçirilir

Azərbaycan Gənclər və İdman Nazirliyi, IDEA (Ətraf mühitin mühafizəsi naminə beynəlxalq dialoq) kampaniyası və Təbiət Dostları İctimai Birliyinin birgə təşkil etdiyi Gənclərin Beynəlxalq Ekoloji Düşərgəsi davam etməkdədir.

 

Beynəlxalq düşərgə MDB ölkələrinin 2013-2014-cü illər üçün nəzərdə tutulan sosial-humanitar sahədə əməkdaşlığın prioritet tədbirlər planına uyğun olaraq həyata keçirilir.

 

Xatırladaq ki, 2013-cü il MDB ölkələrində "Ekologiya və ətraf mühitin mühafizəsi" ili elan edilib.

 

Düşərgənin keçirilməsində məqsəd ölkəmizdə və dünyada ekoloji düşüncəni gücləndirmək, gənclərin ətraf mühitə və ekologiyaya qarşı məsuliyyətini artırmaq, eləcə də Azərbaycanda ekoloji layihələrin həyata keçirilməsinə daha intensiv təkan verməkdir.

 

Düşərgə çərçivəsində Azərbaycanda həyata keçirilən ekoloji layihələrlə tanışlıq, "Tullantılardan davamlı istifadə", "Eko-könüllülük", "Ekoturizm", "Eko-konfliktologiya", "Vəhşi təbiətin mühafizəsi", "Xüsusi mühafizə olunan ərazilər" və s. mövzularda seminarlar, qrup və rol oyunları, eləcə də ekoloji aksiyalar keçirilib.

 

Qeyd edək ki, beynəlxalq düşərgə mərhələli olaraq paytaxt Bakıda və İsmayıllı rayonunda keçirilməkdədir. Tədbirə Azərbaycan, Rusiya, Ukrayna, Belarus, Moldova, Qazaxıstan, Qırğızıstan, Özbəkistan, Türkmənistan və Tacikistan kimi müxtəlif MDB dövlətlərindən 80-ə yaxın gənc qatılıb. Tədbirdə ətraf mühit sahəsində fəaliyyət göstərən ekspertlərlə yanaşı, MDB ölkələrinin İcraiyyə Komitəsinin humanitar məsələlər üzrə məsul əməkdaşı da iştirak edir.

 

MDB Gənclərinin Ekoloji Düşərgəsi iyul ayının 8-dən start götürüb.

IDEA haqqında daha çox xəbər
7 may 2014-cü il tarixində Bakıda IDEA İctimai Birliyi tərəfindən Qafqaz Biomüxtəlifliyi Sammiti (bəbir və digər pişikkimilərin mühafizəsi) təşkil olunub.
“Ümumrespublika Yaşıllaşdırma” marafonu 5 noyabr 2014-cü il tarixində Heydər Əliyev Fondunun vitse-Prezidenti, IDEA İctimai Birliyinin təsisçisi və rəhbəri…
"Ağacların kəsilməsinə yox" proqramı Heydər Əliyev fondu və IDEA İctimai Birliyi ilə birlikdə həyata keçirilməkdədir.

Bİzə qoşul