Zaqatala rayonu 5 noyabr 2014-cü il tarixindən start verilən I Ümumrespublika Yaşıllaşdırma Marafonuna qoşulmuşdur.
Ərazisi: 1349,9 kv.km
Əhalisi: 121,3 min nəfər
Mərkəzi: Zaqatala şəhəri
5-8 noyabr tarixlərində Zaqatala Rayon İcra Hakimiyyətinin təşkilatçılığı ilə I “Ümumrespublika yaşıllaşdırma” marafonu çərçivəsində keçirilən gündəlik ağacəkmə aksiyaları zamanı Zaqatala rayonunun ərazisində Yevlax-Balakən magistral avtomobil yolunun, Qorağan-Qax–Zaqatala avtomobil yolunun, Zaqatala-Danaçı avtomobil yolunun, Zaqatala-Muğanlı avtomobil yolunun kənarlarında, rayonun Qımır kəndinin yaxınlığında, Muxax və Yeni Suvagil kəndlərinin mərkəzində, eləcə də Zaqatala şəhərinin park və küçələrində 290 ədəd çinar, 4735 ədəd akasiya, 1965 ədəd qoz, 880 ədəd şam, 270 ədəd cökə olmaqla cəmi 8140 ədəd ağac tingləri əkilmişdir.
